kitna apne aap par marte hain aap
kitnā apne aap par marte haiñ aap
kis tarah kī shā'irī karte haiñ aap
ek hī rishta bachā hai sab se ab
ab kisī kā ġham nahīñ karte haiñ aap
baat tak hotī nahīñ hai aap se
aur tanhā.ī se bhī Darte haiñ aap
us galī meñ ab nahīñ rahtā koī
us galī meñ paañv kyoñ dharte haiñ aap
aap ke lahje kī saḳhtī hai bajā
jāntā huuñ maiñ bahut Darte haiñ aap
har kisī se baat kā matlab hai kyā
har kisī se baat kyoñ karte haiñ aap
kitna apne aap par marte hain aap
kis tarah ki sha'iri karte hain aap
ek hi rishta bacha hai sab se ab
ab kisi ka gham nahin karte hain aap
baat tak hoti nahin hai aap se
aur tanhai se bhi Darte hain aap
us gali mein ab nahin rahta koi
us gali mein panw kyon dharte hain aap
aap ke lahje ki saKHti hai baja
jaanta hun main bahut Darte hain aap
har kisi se baat ka matlab hai kya
har kisi se baat kyon karte hain aap
- Book : Udaas Logon Ka Hona Bahut Zaruri Hai (Pg. 45)
- Author : Tarkash Pradeep
- Publication : Rekhta Publications (2023)
- Edition : 2nd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
