kitni chahat chhupae baiThe hain

kitnī chāhat chhupā.e baiThe haiñ

dil abhī tak lagā.e baiThe haiñ

ek lamhe kī us mohabbat kī

kitnī qīmat chukā.e baiThe haiñ

terī yādoñ kā vo hasīñ gulshan

apne dil meñ basā.e baiThe haiñ

tere aane ke muntazir haiñ ham

apnī palkeñ bichhā.e baiThe haiñ

apne dil se tujhe bhulāne ko

ḳhud se hī dil lagā.e baiThe haiñ

'ishq meñ tere ye tire 'āshiq

apnī hastī miTā.e baiThe haiñ

mujh ko maarā hai terī ulfat ne

dil ye phir bhī lagā.e baiThe haiñ

kuchh bhī hāsil nahīñ hai tere binā

dil ko apne batā.e baiThe haiñ

uTh gayā hai bharosa duniyā se

is qadar ham satā.e baiThe haiñ

koī shikva nahīñ hai ġhairoñ se

zaḳhm apnoñ se khaa.e baiThe haiñ

bas na jaa.eñ kahīñ ye 'rabbānī'

dil meñ tere jo aa.e baiThe haiñ

kitni chahat chhupae baiThe hain

dil abhi tak lagae baiThe hain

ek lamhe ki us mohabbat ki

kitni qimat chukae baiThe hain

teri yaadon ka wo hasin gulshan

apne dil mein basae baiThe hain

tere aane ke muntazir hain hum

apni palken bichhae baiThe hain

apne dil se tujhe bhulane ko

KHud se hi dil lagae baiThe hain

'ishq mein tere ye tere 'ashiq

apni hasti miTae baiThe hain

mujh ko mara hai teri ulfat ne

dil ye phir bhi lagae baiThe hain

kuchh bhi hasil nahin hai tere bina

dil ko apne batae baiThe hain

uTh gaya hai bharosa duniya se

is qadar hum satae baiThe hain

koi shikwa nahin hai ghairon se

zaKHm apnon se khae baiThe hain

bas na jaen kahin ye 'rabbani'

dil mein tere jo aae baiThe hain