kitni hasrat se teri aankh ka baadal barsa

kitnī hasrat se tirī aañkh kā bādal barsā

ye alag baat mirā shola-e-ġham bujh na sakā

terā paikar hai vo ā.īna ki jis ke dam se

maiñ ne sau ruup meñ ḳhud apnā sarāpā dekhā

ek lamhe ke liye chāñd kī ḳhvāhish kī thī

umr bhar sar pe mire qahr kā sūraj chamkā

jab bhī ehsās-e-amāñ bā.is-e-taskīñ Thahrā

an-ginat ḳhatroñ kī aahaT se dil apnā dhaḌkā

maiñ aziyyat kī guphāoñ meñ karāhūñ kab tak

be-gunāhī kī sazā ke liye mī.ād hai kyā

tīra-o-tār ḳhalāoñ meñ bhaTaktā rahā zehan

raat sahrā-e-anā se maiñ hirāsāñ guzrā

sehr-e-goyā.ī ke kis dasht kā faizān hai ye

har suḳhan lab se tire sūrat-e-āhū niklā

maiñ ne jis shāḳh ko phūloñ se sajāyā 'ārif'

mere siine meñ usī shāḳh kā kāñTā utrā

kitni hasrat se teri aankh ka baadal barsa

ye alag baat mera shola-e-gham bujh na saka

tera paikar hai wo aaina ki jis ke dam se

main ne sau rup mein KHud apna sarapa dekha

ek lamhe ke liye chand ki KHwahish ki thi

umr bhar sar pe mere qahr ka suraj chamka

jab bhi ehsas-e-aman bais-e-taskin Thahra

an-ginat KHatron ki aahaT se dil apna dhaDka

main aziyyat ki guphaon mein karahun kab tak

be-gunahi ki saza ke liye miad hai kya

tira-o-tar KHalaon mein bhaTakta raha zehan

raat sahra-e-ana se main hirasan guzra

sehr-e-goyai ke kis dasht ka faizan hai ye

har suKHan lab se tere surat-e-ahu nikla

main ne jis shaKH ko phulon se sajaya 'arif'

mere sine mein usi shaKH ka kanTa utra