kitni shiddat se talab karte hain hum
kitnī shiddat se talab karte haiñ ham
har tamanna jāñ-ba-lab karte haiñ ham
jaane kyoñ aksar ye lagtā hai hameñ
kaam saare be-sabab karte haiñ ham
zindagī ko aaj tak samjhe nahīñ
ab talak nām-o-nasab karte haiñ ham
aarzū ham ko tabassum kī magar
āñsuoñ kā bhī adab karte haiñ ham
jin zamīnoñ par koī chaltā nahīñ
un zamīnoñ par ġhazab karte haiñ ham
log hairānī se takte haiñ hameñ
kaam hī aise 'ajab karte haiñ ham
kitni shiddat se talab karte hain hum
har tamanna jaan-ba-lab karte hain hum
jaane kyon aksar ye lagta hai hamein
kaam sare be-sabab karte hain hum
zindagi ko aaj tak samjhe nahin
ab talak nam-o-nasab karte hain hum
aarzu hum ko tabassum ki magar
aansuon ka bhi adab karte hain hum
jin zaminon par koi chalta nahin
un zaminon par ghazab karte hain hum
log hairani se takte hain hamein
kaam hi aise 'ajab karte hain hum
- Book : Raushni Jaari Karo (Pg. 73)
- Author : Manish Shukla
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
