kitnon ki jaan Dal di KHatron ke jal mein

kitnoñ kī jaan Daal dī ḳhatroñ ke jaal meñ

ik baat aap kah to ga.e ishti'āl meñ

jaise ka.ī parind kisī ek jaal meñ

is haal meñ hai zindagī aise vabāl meñ

allāh terī raah pe qaa.em rahūñ sadā

jaise qutub-numā kī suī hai shumāl meñ

bas ek she'r par ye tamāshā ye hā.e-hū

ye haal hai to aag lagā dūñgā hall meñ

pīchhe paḌā huuñ ek achhūte ḳhayāl ke

ai raat merī niiñd ko rakhnā rumāl meñ

ye peḌ ye pahāḌ ye sūraj ye ābshār

kyā kyā kamāl pesh kiye haiñ misāl meñ

kaise usuul kaise maqāsid kahāñ kī fikr

chalte haiñ sar jhukā.e hue bheḌ-chāl meñ

sūraj ġhurūb hone lagā vaqt-e-shām hai

manzar ye ḳhush-gavār bahut hai zavāl meñ

be-sūd be-nashāt tajarrud hai 'irtizā'

shādī kā vasf aur hī kuchh hai visāl meñ

kitnon ki jaan Dal di KHatron ke jal mein

ek baat aap kah to gae ishti'al mein

jaise kai parind kisi ek jal mein

is haal mein hai zindagi aise wabaal mein

allah teri rah pe qaem rahun sada

jaise qutub-numa ki sui hai shumal mein

bas ek she'r par ye tamasha ye hae-hu

ye haal hai to aag laga dunga hall mein

pichhe paDa hun ek achhute KHayal ke

ai raat meri nind ko rakhna rumal mein

ye peD ye pahaD ye suraj ye aabshaar

kya kya kamal pesh kiye hain misal mein

kaise usul kaise maqasid kahan ki fikr

chalte hain sar jhukae hue bheD-chaal mein

suraj ghurub hone laga waqt-e-sham hai

manzar ye KHush-gawar bahut hai zawal mein

be-sud be-nashat tajarrud hai 'irtiza'

shadi ka wasf aur hi kuchh hai visal mein