kiya hai ishq ne aazad do-jahan se hamein

Piyare Lal Raunaq Dehlwi

kiya hai ishq ne aazad do-jahan se hamein

Piyare Lal Raunaq Dehlwi

MORE BYPiyare Lal Raunaq Dehlwi

    kiyā hai ishq ne āzād do-jahāñ se hameñ

    na kuchh yahāñ se ġharaz hai na kuchh vahāñ se hameñ

    ḳhudī ko bhuul ke mast-e-alast ho jaanā

    milā hai faiz ye ḳhum-ḳhāna-e-muġhāñ se hameñ

    azaañ haram meñ hai nāqūs hai kunisht meñ to

    sadā.eñ aatī haiñ terī kahāñ kahāñ se hameñ

    phir aaj uTThā hai vo parda-e-hijāb kahīñ

    shuā.eñ nazar aatī haiñ kuchh yahāñ se hameñ

    misāl-e-sham.a haiñ sab rāt-bhar ke ye jalve

    sahar ko uThnā hai is mahfil-e-jahāñ se hameñ

    miTā ke hasti-e-mauhūm tujh ko paayā hai

    pata milā hai tirā ḳhāk-e-be-nishāñ se hameñ

    chaman se uTh gayā 'raunaq' jab āshiyāñ apnā

    na phir bahār se matlab na kuchh ḳhizāñ se hameñ

    kiya hai ishq ne aazad do-jahan se hamein

    na kuchh yahan se gharaz hai na kuchh wahan se hamein

    KHudi ko bhul ke mast-e-alast ho jaana

    mila hai faiz ye KHum-KHana-e-mughan se hamein

    azan haram mein hai naqus hai kunisht mein to

    sadaen aati hain teri kahan kahan se hamein

    phir aaj uTTha hai wo parda-e-hijab kahin

    shuaen si nazar aati hain kuchh yahan se hamein

    misal-e-shama hain sab raat-bhar ke ye jalwe

    sahar ko uThna hai is mahfil-e-jahan se hamein

    miTa ke hasti-e-mauhum tujh ko paya hai

    pata mila hai tera KHak-e-be-nishan se hamein

    chaman se uTh gaya 'raunaq' jab aashiyan apna

    na phir bahaar se matlab na kuchh KHizan se hamein

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY