koh-e-gham se kya gharaz fikr-e-butan se kya gharaz

koh-e-ġham se kyā ġharaz fikr-e-butāñ se kyā ġharaz

ai subuk-rūī tujhe bār-e-garāñ se kyā ġharaz

be-nishānī-e-mohabbat ko nishāñ se kyā ġharaz

ai yaqīn-e-dil tujhe vahm-o-gumāñ se kyā ġharaz

nāla-e-be-saut ḳhud banñe lagā mohr-e-sukūt

be-zabānī ko hamārī ab zabāñ se kyā ġharaz

jauhar-e-zātī haiñ us kī teziyāñ ai sañg-dil

teġh-e-abrū ko tirī sañg-e-fasāñ se kyā ġharz

jab mohabbat meñ huī rusvā.ī apnī parda-dār

raaz se phir kyā ta.alluq rāz-dāñ se kyā ġharaz

jaan de kar zinda-e-jāved ho jaatā hai vo

maut ke ḳhvāhāñ ko umr-e-jāvedāñ se kyā ġharaz

maiñ ye kahtā huuñ ki donoñ meñ zarūrī laag hai

vo ye kahte haiñ zamīñ ko āsmāñ se kyā ġharaz

dahr meñ jo kuchh bhī honā thā vo ho kar hī rahā

ab guzishta vārdātoñ ke bayāñ se kyā ġharaz

jis meñ qudrat ḳhud nishāne par pahuñch jaane kī ho

'qadr' phir us tiir ko sa.ī-e-kamāñ se kyā ġharaz

koh-e-gham se kya gharaz fikr-e-butan se kya gharaz

ai subuk-rui tujhe bar-e-garan se kya gharaz

be-nishani-e-mohabbat ko nishan se kya gharaz

ai yaqin-e-dil tujhe wahm-o-guman se kya gharaz

nala-e-be-saut KHud banne laga mohr-e-sukut

be-zabani ko hamari ab zaban se kya gharaz

jauhar-e-zati hain us ki teziyan ai sang-dil

tegh-e-abru ko teri sang-e-fasan se kya gharz

jab mohabbat mein hui ruswai apni parda-dar

raaz se phir kya talluq raaz-dan se kya gharaz

jaan de kar zinda-e-jawed ho jata hai wo

maut ke KHwahan ko umr-e-jawedan se kya gharaz

main ye kahta hun ki donon mein zaruri lag hai

wo ye kahte hain zamin ko aasman se kya gharaz

dahr mein jo kuchh bhi hona tha wo ho kar hi raha

ab guzishta wardaton ke bayan se kya gharaz

jis mein qudrat KHud nishane par pahunch jaane ki ho

'qadr' phir us tir ko sai-e-kaman se kya gharaz