kohre mein zard yaad ke KHema hai KHwab ka

kohre meñ zard yaad ke ḳhema hai ḳhvāb kā

aur ye jo māhtāb hai saayā hai ḳhvāb kā

tezāb bārishoñ ne rulā ke firāq meñ

āñkhoñ se merī zā.iqa chhīnā hai ḳhvāb kā

dekhā nikal ke vahshat-e-girdāb-e-shām se

us paar ek aur bhī dariyā hai ḳhvāb kā

kuchh aur khaa.e raat kī raanī ne pech-o-tāb

dāman jab ahl-e-ḳhāk ne pakḌā hai ḳhvāb kā

ab bhī talāsh-e-ḳhema-e-lailā meñ dar-ba-dar

gumnām vādiyoñ meñ sitāra hai ḳhvāb kā

is ko bhī faiz samjho ham ahl-e-qubūr kā

bastī meñ ik charāġh jo jaltā hai ḳhvāb kā

mere hī ābloñ se nahīñ tar ye dard-zār

is dasht meñ ik abr bhī barsā hai ḳhvāb kā

āsūda us kī aañkh meñ haiñ rang-o-bū-e-gul

yā shabnamī ġhilāf meñ sabza hai ḳhvāb kā

kohre mein zard yaad ke KHema hai KHwab ka

aur ye jo mahtab hai saya hai KHwab ka

tezab barishon ne rula ke firaq mein

aankhon se meri zaiqa chhina hai KHwab ka

dekha nikal ke wahshat-e-girdab-e-sham se

us par ek aur bhi dariya hai KHwab ka

kuchh aur khae raat ki rani ne pech-o-tab

daman jab ahl-e-KHak ne pakDa hai KHwab ka

ab bhi talash-e-KHema-e-laila mein dar-ba-dar

gumnam wadiyon mein sitara hai KHwab ka

is ko bhi faiz samjho hum ahl-e-qubur ka

basti mein ek charagh jo jalta hai KHwab ka

mere hi aablon se nahin tar ye dard-zar

is dasht mein ek abr bhi barsa hai KHwab ka

aasuda us ki aankh mein hain rang-o-bu-e-gul

ya shabnami ghilaf mein sabza hai KHwab ka