koi aa kar surKHiyan le jaega

koī aa kar surḳhiyāñ le jā.egā

barg-o-gul kī narmiyāñ le jā.egā

vaqt in mā'sūm bachchoñ kī mire

lauT kar ab loriyāñ le jā.egā

chāñdnī rātoñ kī ThanDak hī nahīñ

din kī bhī vo garmiyāñ le jā.egā

'ishq aa jā.egā apne par agar

husn kī sab shoḳhiyāñ le jā.egā

saath apne nafratoñ ke ye ġhubār

kaisī kaisī hastiyāñ le jā.egā

nāchtā phirtā ḳhalāoñ kā patang

ai 'sabā' ye Doriyāñ le jā.egā

koi aa kar surKHiyan le jaega

barg-o-gul ki narmiyan le jaega

waqt in ma'sum bachchon ki mere

lauT kar ab loriyan le jaega

chandni raaton ki ThanDak hi nahin

din ki bhi wo garmiyan le jaega

'ishq aa jaega apne par agar

husn ki sab shoKHiyan le jaega

sath apne nafraton ke ye ghubar

kaisi kaisi hastiyan le jaega

nachta phirta KHalaon ka patang

ai 'saba' ye Doriyan le jaega