koi gulab yahan par khila ke dekhte hain

Aslam Habeeb

koi gulab yahan par khila ke dekhte hain

Aslam Habeeb

MORE BYAslam Habeeb

    koī gulāb yahāñ par khilā ke dekhte haiñ

    chalo ḳharāba-e-jāñ ko sajā ke dekhte haiñ

    jahāñ ko bhuul ke tum ko bhulā ke dekhte haiñ

    ab apne aap ko dil se lagā ke dekhte haiñ

    bigaḌ ga.e the jise sun ke vaqt ke tevar

    jahāñ ko baat vahī phir sunā ke dekhte haiñ

    kabhī kisī bhī ehsāñ nahīñ liyā ham ne

    ab apne sar pe ye ehsāñ uThā ke dekhte haiñ

    bahut dinoñ se koī baat kaam na huī

    chalo falak ko zamīñ par bichhā ke dekhte haiñ

    nazar nazar to ka.ī baar paḌh chuke us ko

    ġhazal ko aaj zarā gungunā ke dekhte haiñ

    zamāna ham pe bahut der hañs chukā 'aslam'

    chalo ab us hañsī bhī uḌā ke dekhte haiñ

    koi gulab yahan par khila ke dekhte hain

    chalo KHaraba-e-jaan ko saja ke dekhte hain

    jahan ko bhul ke tum ko bhula ke dekhte hain

    ab apne aap ko dil se laga ke dekhte hain

    bigaD gae the jise sun ke waqt ke tewar

    jahan ko baat wahi phir suna ke dekhte hain

    kabhi kisi ka bhi ehsan nahin liya hum ne

    ab apne sar pe ye ehsan uTha ke dekhte hain

    bahut dinon se koi baat kaam ki na hui

    chalo falak ko zamin par bichha ke dekhte hain

    nazar nazar to kai bar paDh chuke us ko

    ghazal ko aaj zara gunguna ke dekhte hain

    zamana hum pe bahut der hans chuka 'aslam'

    chalo ab us ki hansi bhi uDa ke dekhte hain

    Source :
    • Book : Apne Ghar Tak Aa Pauhncha Hoon (Pg. 27)
    • Author : Aslam Habib
    • Publication : Educational Publishing House, Delhi (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY