koī kalī hai na ġhuncha na gul barā-e-sabā
chaman meñ kāñTe haiñ dāman bachā ke aa.e sabā
na ab tilism-e-bahārāñ na ab fusūn-e-jamāl
vo lamhe ḳhvāb hue ḳhvāb bhuul jaa.e sabā
kabhī fazāoñ meñ ḳhushbū uḌaa.e phirtī thī
magar ye din ki bahāroñ meñ ḳhaak uḌaa.e sabā
kalī hai mohr-ba-lab phuul hai garebāñ chaak
ajal kī dhuup hai phirtī hai saa.e saa.e sabā
na kuchh nishāñ kī sadā hai na āhaToñ ke nishāñ
chaman meñ DhūñDte phirte haiñ naqsh-e-pā-e-sabā
ghuTan hai aisī ki sarsar ko bhī taraste haiñ
kise pukāreñ kahāñ jaa.eñ ai ḳhudā-e-sabā
harīm-e-ġhuncha meñ ḳhushbū simaT ke baiThī hai
hijāb uTThe jo sahn-e-chaman meñ aa.e sabā
ḳhabar nahīñ mujhe kis samt le ke uḌ jaa.e
ka.ī dinoñ se mire sar meñ hai havā-e-sabā
bhaTaktī phirtī hai sahrā-e-dard meñ 'ḳhātir'
bichhaḌ gayā ho koī jaise āshnā-e-sabā
koi kali hai na ghuncha na gul bara-e-saba
chaman mein kanTe hain daman bacha ke aae saba
na ab tilism-e-bahaaran na ab fusun-e-jamal
wo lamhe KHwab hue KHwab bhul jae saba
kabhi fazaon mein KHushbu uDae phirti thi
magar ye din ki bahaaron mein KHak uDae saba
kali hai mohr-ba-lab phul hai gareban chaak
ajal ki dhup hai phirti hai sae sae saba
na kuchh nishan ki sada hai na aahaTon ke nishan
chaman mein DhunDte phirte hain naqsh-e-pa-e-saba
ghuTan hai aisi ki sarsar ko bhi taraste hain
kise pukaren kahan jaen ai KHuda-e-saba
harim-e-ghuncha mein KHushbu simaT ke baiThi hai
hijab uTThe jo sahn-e-chaman mein aae saba
KHabar nahin mujhe kis samt le ke uD jae
kai dinon se mere sar mein hai hawa-e-saba
bhaTakti phirti hai sahra-e-dard mein 'KHatir'
bichhaD gaya ho koi jaise aashna-e-saba
Source:
Funoon(Jadeed Ghazal Number: Volume-002) (Pg. 520)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.