کوئی کرتا ہے کرے شوق سے تنقید اپنی

کوئی کرتا ہے کرے شوق سے تنقید اپنی

مختصر ہو نہیں سکتی کبھی تمہید اپنی

آمنے سامنے اک دوسرے کے ہوتے ہیں

ہوتی رہتی ہے شب و روز ہی اب عید اپنی

آپ کے جی میں جو آئے وہ کیے جائیں آپ

ہم سے مسمار نہ ہو پائے گی امید اپنی

دیکھیے کس کی نگاہوں کا کرم ہوتا ہے

دیکھیے ہوتی ہے کس آنکھ سے تجدید اپنی

آس تو ہے ہی بری اور وہ بھی ہم سے آس

ہم تو وہ ہیں کہ جو کرتے نہیں تائید اپنی

فیصلے اپنے بدلتے یوں رہو گے کب تک

مانتے کیوں نہیں ترکشؔ کوئی تاکید اپنی