koi majnun koi ranjha koi farhad nahin

koī majnūñ koī rāñjhā koī farhād nahīñ

jis tarah maiñ huā aisā koī barbād nahīñ

maiñ ne ījād kiyā hai ye mirā tarz-e-junūñ

fan-e-vahshat meñ mirā koī bhī ustād nahīñ

har mohabbat kī misāleñ nahīñ bantīñ pāgal

maiñ bhī shahzād nahīñ tū bhī parī-zād nahīñ

'ishq kī qaid se chhūTā huā koī laḌkā

yaar āvāra to ho saktā hai āzād nahīñ

phuul to duur dukānoñ kā kirāya nikle

'ishq vāloñ kī yahāñ itnī bhī tā'dād nahīñ

koi majnun koi ranjha koi farhad nahin

jis tarah main hua aisa koi barbaad nahin

main ne ijad kiya hai ye mera tarz-e-junun

fan-e-wahshat mein mera koi bhi ustad nahin

har mohabbat ki misalen nahin bantin pagal

main bhi shahzad nahin tu bhi pari-zad nahin

'ishq ki qaid se chhuTa hua koi laDka

yar aawara to ho sakta hai aazad nahin

phul to dur dukanon ka kiraya nikle

'ishq walon ki yahan itni bhi ta'dad nahin