koi mushkil qadam bhaari nahin hai
koī mushkil qadam bhārī nahīñ hai
junūñ kī rah meñ dushvārī nahīñ hai
kahīñ kā hai safar darpesh lekin
kahīñ jaane kī tayyārī nahīñ hai
bahut sī ‘illateñ shāmil haiñ is meñ
mohabbat ek bīmārī nahīñ hai
mire chehre pe hai apnā ta.assur
mirā pesha adākārī nahīñ hai
mirī āñkhoñ meñ haiñ namkīn aañsū
dikhāve kī ye ġham-ḳhvārī nahīñ hai
mujhe lagte haiñ dohre zaḳhm kaise
tirī talvār do-dhārī nahīñ hai
badan ho jaa.e jis meñ rūh-parvar
vo kaifiyyat abhī taarī nahīñ hai
koi mushkil qadam bhaari nahin hai
junun ki rah mein dushwari nahin hai
kahin ka hai safar darpesh lekin
kahin jaane ki tayyari nahin hai
bahut si ‘illaten shamil hain is mein
mohabbat ek bimari nahin hai
mere chehre pe hai apna tassur
mera pesha adakari nahin hai
meri aankhon mein hain namkin aansu
dikhawe ki ye gham-KHwari nahin hai
mujhe lagte hain dohre zaKHm kaise
teri talwar do-dhaari nahin hai
badan ho jae jis mein ruh-parwar
wo kaifiyyat abhi tari nahin hai
- Book : Lafz Mehfooz Kar Liye Jaayen (Pg. 98)
- Author : Asim Wasti
- Publication : Rekhta Publications (2020)
- Edition : 2nd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
