koi sawal na puchha dua pe chhoD diya

koī savāl na pūchhā du'ā pe chhoḌ diyā

jo kaam thā mirā vo bhī ḳhudā pe chhoḌ diyā

hameñ ḳhabar thī vo chāhe to saath de apnā

isī gumān meñ sab kuchh vafā pe chhoḌ diyā

charāġh dil meñ jalāyā thā us kī yādoñ kā

phir us ke baa'd use ḳhud havā pe chhoḌ diyā

bahut dinoñ se gila bhī na lab pe aayā hai

tamām bojh anā kā anā pe chhoḌ diyā

yahī sabab hai ki kahte haiñ log be-parvā

ki dil kā haal kisī kī razā pe chhoḌ diyā

gila vafā kā kareñ bhī to kis tarah āḳhir

ki ham ne dil bhī kisī bevafā pe chhoḌ diyā

koi sawal na puchha du'a pe chhoD diya

jo kaam tha mera wo bhi KHuda pe chhoD diya

hamein KHabar thi wo chahe to sath de apna

isi guman mein sab kuchh wafa pe chhoD diya

charagh dil mein jalaya tha us ki yaadon ka

phir us ke ba'd use KHud hawa pe chhoD diya

bahut dinon se gila bhi na lab pe aaya hai

tamam bojh ana ka ana pe chhoD diya

yahi sabab hai ki kahte hain log be-parwa

ki dil ka haal kisi ki raza pe chhoD diya

gila wafa ka karen bhi to kis tarah aaKHir

ki hum ne dil bhi kisi bewafa pe chhoD diya