کوئی سوال نہ پوچھا دعا پہ چھوڑ دیا

کوئی سوال نہ پوچھا دعا پہ چھوڑ دیا

جو کام تھا مرا وہ بھی خدا پہ چھوڑ دیا

ہمیں خبر تھی وہ چاہے تو ساتھ دے اپنا

اسی گمان میں سب کچھ وفا پہ چھوڑ دیا

چراغ دل میں جلایا تھا اس کی یادوں کا

پھر اس کے بعد اسے خود ہوا پہ چھوڑ دیا

بہت دنوں سے گلہ بھی نہ لب پہ آیا ہے

تمام بوجھ انا کا انا پہ چھوڑ دیا

یہی سبب ہے کہ کہتے ہیں لوگ بے پروا

کہ دل کا حال کسی کی رضا پہ چھوڑ دیا

گلہ وفا کا کریں بھی تو کس طرح آخر

کہ ہم نے دل بھی کسی بے وفا پہ چھوڑ دیا