koi shola jala gaya phir se soi KHwahish jaga gaya phir se

koī sho'la jalā gayā phir se soī ḳhvāhish jagā gayā phir se

maiñ jise bhūlne hī vaalā thā vo mujhe yaad aa gayā phir se

ek jangal sī zindagī kaaTī maiñ ne ro-ro ke har ghaḌī kaaTī

chhoḌ kar vo mujhe gayā ik din aur vo hī dil dukhā gayā phir se

sāmne vo mire kyoñ aayā phir soī ummīd ko jagāyā phir

ek sapnā mirā jo TuuTā thā vo hī sapnā rulā gayā phir se

zindagī raas aa ga.ī hotī har ḳhushī paas aa ga.ī hotī

maiñ to us kā huuñ vo nahīñ merā ik yahī ġham satā gayā phir se

kaash ye din kabhī nahīñ aatā maiñ use bhuul bhuul hī jaatā

ek Thokar jahāñ pe khaa.ī thī maiñ vahīñ laḌkhaḌā gayā phir se

har ghaḌī merā imtihāñ kyoñ hai haa.e mushkil meñ merī jaañ kyoñ hai

vo milā thā jahāñ mujhe ik din lo vahī moḌ aa gayā phir se

koi sho'la jala gaya phir se soi KHwahish jaga gaya phir se

main jise bhulne hi wala tha wo mujhe yaad aa gaya phir se

ek jangal si zindagi kaTi main ne ro-ro ke har ghaDi kaTi

chhoD kar wo mujhe gaya ek din aur wo hi dil dukha gaya phir se

samne wo mere kyon aaya phir soi ummid ko jagaya phir

ek sapna mera jo TuTa tha wo hi sapna rula gaya phir se

zindagi ras aa gai hoti har KHushi pas aa gai hoti

main to us ka hun wo nahin mera ek yahi gham sata gaya phir se

kash ye din kabhi nahin aata main use bhul bhul hi jata

ek Thokar jahan pe khai thi main wahin laDkhaDa gaya phir se

har ghaDi mera imtihan kyon hai hae mushkil mein meri jaan kyon hai

wo mila tha jahan mujhe ek din lo wahi moD aa gaya phir se