کوئی تعمیر کی صورت نکالو
کوئی تعمیر کی صورت نکالو
کوئی تازہ بنائے عشق ڈالو
بلاتی ہیں تمہیں یادیں پرانی
چراغ رفتگاں فرصت نکالو
مجھے چہروں سے خوف آنے لگا ہے
مرے کمرے سے تصویریں ہٹا لو
یہ دریا ہے گزر جانا ہے اس کو
مسافر ہو تم اپنا راستہ لو
کہاں اب وہ لباس وضع داری
بہت جانو اگر غربت چھپا لو
وفا قیمت نہیں جو لوٹ آئے
تم اپنا از سر نو جائزہ لو
نہیں آزار جاں کوئی تو مرزا
کسی دیوار کا سایہ اٹھا لو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
