koi tasawwur mein jalwa-gar hai bahaar dil mein sama rahi hai

Faizi Nizam Puri

koi tasawwur mein jalwa-gar hai bahaar dil mein sama rahi hai

Faizi Nizam Puri

MORE BYFaizi Nizam Puri

    koī tasavvur meñ jalva-gar hai bahār dil meñ samā rahī hai

    nafas nafas gungunā rahā hai nazar nazar muskurā rahī hai

    jhukī jhukī nigāh-e-qātil hazār ġhamze dikhā rahī hai

    na jaane jaagā hai baḳht kis ye kis ko bismil banā rahī hai

    nahīñ hai ab tāb-e-zabt baaqī kahīñ maiñ tauba na toḌ baiThūñ

    tirā ishāra nahīñ ye saaqī to kyuuñ ghaTā muskurā rahī hai

    na pūchh hālat marīz-e-ġham ghaḌī meñ kuchh hai ghaḌī meñ kuchh hai

    tabīb tashvīsh meñ paḌā hai qazā khaḌī muskurā rahī hai

    mirī shab-e-ġham pūchhnā kyā ajiib pesh-e-nazar hai manzar

    ye zindagī jhilmilā rahī hai ki niiñd tāroñ ko aa rahī hai

    ye har adā pā.emāl ho kar bhī dil ko hai zauq-e-pā.emālī

    qadam qadam par tirī javānī ajiib fitne jagā rahī hai

    havā kuchh aisī chalī hai 'faizī' tamīz apnoñ ab hai mushkil

    mirī tamannā bhī kuchh ḳhafā hai vafā bhī dāman chhuḌā rahī hai

    koi tasawwur mein jalwa-gar hai bahaar dil mein sama rahi hai

    nafas nafas gunguna raha hai nazar nazar muskura rahi hai

    jhuki jhuki si nigah-e-qatil hazar ghamze dikha rahi hai

    na jaane jaga hai baKHt kis ka ye kis ko bismil bana rahi hai

    nahin hai ab tab-e-zabt baqi kahin main tauba na toD baiThun

    tera ishaara nahin ye saqi to kyun ghaTa muskura rahi hai

    na puchh haalat mariz-e-gham ki ghaDi mein kuchh hai ghaDi mein kuchh hai

    tabib tashwish mein paDa hai qaza khaDi muskura rahi hai

    meri shab-e-gham ka puchhna kya ajib pesh-e-nazar hai manzar

    ye zindagi jhilmila rahi hai ki nind taron ko aa rahi hai

    ye har ada paemal ho kar bhi dil ko hai zauq-e-paemali

    qadam qadam par teri jawani ajib fitne jaga rahi hai

    hawa kuchh aisi chali hai 'faizi' tamiz apnon ki ab hai mushkil

    meri tamanna bhi kuchh KHafa hai wafa bhi daman chhuDa rahi hai

    Source:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY