aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

koi to shakl mohabbat mein sazgar aae

Jameeluddin Aali

koi to shakl mohabbat mein sazgar aae

Jameeluddin Aali

MORE BYJameeluddin Aali

    koī to shakl mohabbat meñ sāzgār aa.e

    hañsī nahīñ hai to rone se qarār aa.e

    hai ek ne.amat-e-uzmā ġham-e-mohabbat bhī

    magar ye shart ki insāñ ko sāzgār aa.e

    junūn-e-dasht-pasandī batā.e detā hai

    guzārnī thī jo ghar meñ vo ham guzār aa.e

    guzārnī hai mujhe umr tere qadmoñ meñ

    mujhe na kyuuñ tire va.adoñ pe e'tibār aa.e

    tumhārī bazm se aa kar vahī ḳhayāl rahā

    ham ek baar ga.e tum hazār baar aa.e

    nigāh-e-dost koī aur baat hai varna

    be-qarār kare aur mujhe qarār aa.e

    hai mutma.in bhī to kis kis umīd-o-bīm ke saath

    vo nā-murād jise lutf-e-intizār aa.e

    batā ga.ī hai jo mujh ko vo be-qarār nigāh

    na kah sakūñgā agar aaj bhī qarār aa.e

    ye imtiyāz hai 'ġhālib' ke ba.ad 'ālī'

    ki jis pe aap mare haiñ use bhī maar aa.e

    koi to shakl mohabbat mein sazgar aae

    hansi nahin hai to rone se hi qarar aae

    hai ek neamat-e-uzma gham-e-mohabbat bhi

    magar ye shart ki insan ko sazgar aae

    junun-e-dasht-pasandi batae deta hai

    guzarni thi jo ghar mein wo hum guzar aae

    guzarni hai mujhe umr tere qadmon mein

    mujhe na kyun tere wadon pe e'tibar aae

    tumhaari bazm se aa kar wahi KHayal raha

    hum ek bar gae tum hazar bar aae

    nigah-e-dost koi aur baat hai warna

    tu be-qarar kare aur mujhe qarar aae

    hai mutmain bhi to kis kis umid-o-bim ke sath

    wo na-murad jise lutf-e-intizar aae

    bata gai hai jo mujh ko wo be-qarar nigah

    na kah sakunga agar aaj bhi qarar aae

    ye imtiyaz hai 'ghaalib' ke baad 'ali' ka

    ki jis pe aap mare hain use bhi mar aae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now