koi tufan to nahin hai jo guzar jata hai
koī tūfāñ to nahīñ hai jo guzar jaatā hai
jab bhī aatā hai burā vaqt Thahar jaatā hai
suune kamroñ meñ kabhī koī to rahtā hogā
kuchh to hotā hai ki har aadmī ghar jaatā hai
ab añdherā mujhe tanhā nahīñ rahne detā
raat ko aatā hai aur vaqt-e-sahar jaatā hai
jo bhī hotā hai shurū' ek haqīqat kī tarah
kisī afvāh kī mānind bikhar jaatā hai
dard bhī ek tasalsul hai mirā hī 'balrāj'
Dūbtā hai kabhī rah rah ke ubhar jaatā hai
koi tufan to nahin hai jo guzar jata hai
jab bhi aata hai bura waqt Thahar jata hai
sune kamron mein kabhi koi to rahta hoga
kuchh to hota hai ki har aadmi ghar jata hai
ab andhera mujhe tanha nahin rahne deta
raat ko aata hai aur waqt-e-sahar jata hai
jo bhi hota hai shuru' ek haqiqat ki tarah
kisi afwah ki manind bikhar jata hai
dard bhi ek tasalsul hai mera hi 'balraj'
Dubta hai kabhi rah rah ke ubhar jata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
