کوئی امید بر نہیں آتی
دلچسپ معلومات
(مرزا غالبؔ کی روح سے معذرت کے ساتھ)
کوئی امید بر نہیں آتی
کوئی چھٹی نظر نہیں آتی
حلوہ ملنا ہے پر نہیں ملتا
چائے آنی ہے پر نہیں آتی
جو پڑوسی کے گھر میں آئی ہے
وہ مٹھائی ادھر نہیں آتی
دودھ گھی گر نظر نہیں آتا
بو بھی اس کی مگر نہیں آتی
امتحاں کیا قریب ہے یارو
نیند کیوں رات بھر نہیں آتی
ٹیچروں سے نجات پانے کی
کوئی صورت نظر نہیں آتی
ہم کو مرغا بنا کے کرسی پر
شرم اے ماسٹر نہیں آتی
روز پڑھنا بھی اک مصیبت ہے
چھٹیوں کی خبر نہیں آتی
سارے ٹیچر ہوں خوش سدا ہم سے
اس کی صورت نظر نہیں آتی
بس ریاضی کو دیکھ کر چپ ہوں
ورنہ کیا بات کر نہیں آتی
خوب سوتے مزے سے ہم لیکن
کوئی شب بے سحر نہیں آتی
مأخذ:
تحفۂ اطفال (Pg. 55)
- مصنف: شوکت پردیسی
-
- ناشر: ندیم احمد
- سن اشاعت: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
