kuchh aise zaKHm bhi dar-parda humne khae hain

Iqbal Azeem

kuchh aise zaKHm bhi dar-parda humne khae hain

Iqbal Azeem

MORE BYIqbal Azeem

    kuchh aise zaḳhm bhī dar-parda ham ne khaa.e haiñ

    jo ham ne apne rafīqoñ se bhī chhupā.e haiñ

    ye kyā batā.eñ ki ham kyā gañvā ke aa.e haiñ

    bas ik zamīr ba-mushkil bachā ke laa.e haiñ

    ab aa ga.e haiñ to pyāse na jā.eñge saaqī

    kuchh aaj soch ke ham mai-kade meñ aa.e haiñ

    koī havāoñ se kah do idhar ruḳh na kare

    charāġh ham ne samajh-būjh kar jalā.e haiñ

    jahāñ kahīñ bhī sadā yahī javāb milā

    ye kaun log haiñ pūchho kahāñ se aa.e haiñ

    chaman meñ dekhiye ab ke havā kidhar chale

    ḳhizāñ-nasīboñ ne phir āshiyāñ banā.e haiñ

    safar pe nikle haiñ ham puure ehtimām ke saath

    ham apne ghar se kafan saath le ke aa.e haiñ

    unheñ parā.e charāġhoñ se kyā ġharaz 'iqbāl'

    jo apne ghar ke diye ḳhud bujhā ke aa.e haiñ

    kuchh aise zaKHm bhi dar-parda hum ne khae hain

    jo hum ne apne rafiqon se bhi chhupae hain

    ye kya bataen ki hum kya ganwa ke aae hain

    bas ek zamir ba-mushkil bacha ke lae hain

    ab aa gae hain to pyase na jaenge saqi

    kuchh aaj soch ke hum mai-kade mein aae hain

    koi hawaon se kah do idhar ka ruKH na kare

    charagh hum ne samajh-bujh kar jalae hain

    jahan kahin bhi sada di yahi jawab mila

    ye kaun log hain puchho kahan se aae hain

    chaman mein dekhiye ab ke hawa kidhar ki chale

    KHizan-nasibon ne phir aashiyan banae hain

    safar pe nikle hain hum pure ehtimam ke sath

    hum apne ghar se kafan sath le ke aae hain

    unhen parae charaghon se kya gharaz 'iqbaal'

    jo apne ghar ke diye KHud bujha ke aae hain

    Videos
    This video is playing from YouTube

    Videos
    This video is playing from YouTube

    Iqbal Azeem

    Iqbal Azeem

    Iqbal Bano

    Iqbal Bano

    RECITATIONS

    Iqbal Azeem

    Iqbal Azeem,

    Iqbal Azeem

    kuchh aise zaKHm bhi dar-parda humne khae hain Iqbal Azeem

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY