kuchh aur rang main tartib-e-KHushk-o-tar karta

kuchh aur rañg maiñ tartīb-e-ḳhushk-o-tar kartā

zamīñ bichhā ke havā oḌh ke basar kartā

gul o shaguft ko aapas meñ dastaras detā

aur aa.ine ke liye aa.ina sipar kartā

charāġh-e-kohna haTātā fasīl-e-murda se

giyāh-e-ḳhām pe shabnam dabīz-tar kartā

vo niim nān-e-ḳhunuk aab aur sag-e-ham-nām

maiñ zer-e-sabz-shajar apnā mustaqar kartā

vo jis se shahr kī dīvār be-navishta hai

maiñ us kī shāḳh-e-tahayya ko be-samar kartā

maiñ chūmtā huā ik ahd-nāma-e-mansūḳh

kisī qadīm samundar meñ rahguzar kartā

kuchh aur rang main tartib-e-KHushk-o-tar karta

zamin bichha ke hawa oDh ke basar karta

gul o shaguft ko aapas mein dastaras deta

aur aaine ke liye aaina sipar karta

charagh-e-kohna haTata fasil-e-murda se

giyah-e-KHam pe shabnam dabiz-tar karta

wo nim nan-e-KHunuk aab aur sag-e-ham-nam

main zer-e-sabz-shajar apna mustaqar karta

wo jis se shahr ki diwar be-nawishta hai

main us ki shaKH-e-tahayya ko be-samar karta

main chumta hua ek ahd-nama-e-mansuKH

kisi qadim samundar mein rahguzar karta