kuchh baat hi thi aisi ki thame jigar gae

Hakim Mohammad Ajmal Khan Shaida

kuchh baat hi thi aisi ki thame jigar gae

Hakim Mohammad Ajmal Khan Shaida

MORE BY Hakim Mohammad Ajmal Khan Shaida

    kuchh baat thī aisī ki thāme jigar ga.e

    ham aur jaate bazm-e-adū meñ magar ga.e

    ye to ḳhabar nahīñ ki kahāñ aur kidhar ga.e

    lekin yahāñ se duur kuchh ahl-e-safar ga.e

    armāñ jo ham ne jam.a kiye the shabāb meñ

    piirī meñ vo ḳhudā ko ḳhabar hai kidhar ga.e

    rutba buland hai mire dāġhoñ is qadar

    maiñ huuñ zamīñ pe daaġh mire tā-qamar ga.e

    ruḳhsār par hai rañg-e-hayā faroġh aaj

    bose naam maiñ ne liyā vo nikhar ga.e

    duniyā bas is se aur zyāda nahīñ hai kuchh

    kuchh roz haiñ guzārne aur kuchh guzar ga.e

    jaane lagā hai dil taraf un haath ab

    naale shab-e-firāq ke kuchh kaam kar ga.e

    hasrat ye mazā hai ki nikle nahīñ kabhī

    armāñ nahīñ haiñ vo ki shab aa.e sahar ga.e

    bas ek zaat hazrat-e-'shaidā' hai yahāñ

    dehlī se rafta rafta sab ahl-e-hunar ga.e

    kuchh baat hi thi aisi ki thame jigar gae

    hum aur jate bazm-e-adu mein magar gae

    ye to KHabar nahin ki kahan aur kidhar gae

    lekin yahan se dur kuchh ahl-e-safar gae

    arman jo hum ne jama kiye the shabab mein

    piri mein wo KHuda ko KHabar hai kidhar gae

    rutba buland hai mere daghon ka is qadar

    main hun zamin pe dagh mere ta-qamar gae

    ruKHsar par hai rang-e-haya ka farogh aaj

    bose ka nam main ne liya wo nikhar gae

    duniya bas is se aur zyaada nahin hai kuchh

    kuchh roz hain guzarne aur kuchh guzar gae

    jaane laga hai dil ki taraf un ka hath ab

    nale shab-e-firaq ke kuchh kaam kar gae

    hasrat ka ye maza hai ki nikle nahin kabhi

    arman nahin hain wo ki shab aae sahar gae

    bas ek zat hazrat-e-'shaida' ki hai yahan

    dehli se rafta rafta sab ahl-e-hunar gae

    Source:

    • Book: Noquush (Pg. B-408 E-418)
    • Publication: Nuqoosh Press Lahore (May June 1954)
    • Edition: May June 1954
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites