کچھ بھی آج بھی توقیر وفا ہے تو سہی

کچھ بھی آج بھی توقیر وفا ہے تو سہی

کم ہے یا بیش ہے اس بات سے کیا ہے تو سہی

دیر کی سیر بھی کی سیر حرم بھی کر لی

دیکھنا کیا در مے خانہ ہے وا ہے تو سہی

لب پہ رندوں کے ہیں اللہ کو سو صلواتیں

نہ سہی خوف خدا ذکر خدا ہے تو سہی

جس سے دنیا کو نہ کچھ کام نہ دنیا سے جسے

وہ بھلا ہے تو سہی اور برا ہے تو سہی

سوچ کر کہنے لگا یہ مرض غم کا طبیب

کیا لکھوں اس کی دوا ایک دوا ہے تو سہی

کوئی گمراہ مری سست روی پر نہ ہنسے

نہ سہی طاقت پا راہنما ہے تو سہی

امتحان شعرا بزم سخن میں توبہ

کیسی رکھی ہے ردیف اور سنا ہے تو سہی

فرصت شعر و سخن امنؔ کو کم ہے لیکن

شعر گوئی کا ابھی حوصلہ سا ہے تو سہی