kuchh dard baDha hai to mudawa bhi hua hai

Shahid Mahuli

kuchh dard baDha hai to mudawa bhi hua hai

Shahid Mahuli

MORE BYShahid Mahuli

    kuchh dard baḌhā hai to mudāvā bhī huā hai

    har-sū dil-e-betāb charchā bhī huā hai

    purze bhī uḌe haiñ mirī vahshat ke sar-e-rāh

    nazroñ meñ hamārī ye tamāshā bhī huā hai

    phūTe haiñ kahīñ aah bhare dil ke phaphole

    pāmāl koī shahr-e-tamannā bhī huā hai

    maanā ki kaḌī dhuup meñ saa.e bhī mile haiñ

    is raah meñ har moḌ par dhokā bhī huā hai

    raushan to hai yaḳh-basta fazāoñ meñ koī aag

    tārīkī-e-zindāñ meñ ujālā bhī huā hai

    har lamha koī hādisa roke hai mire paañv

    har pal kisī ḳhvāhish taqāzā bhī huā hai

    kis moḌ pe aa pahuñchā hai 'shāhid' ye zamāna

    raftār qayāmat hai Thahrā bhī huā hai

    kuchh dard baDha hai to mudawa bhi hua hai

    har-su dil-e-betab ka charcha bhi hua hai

    purze bhi uDe hain meri wahshat ke sar-e-rah

    nazron mein hamari ye tamasha bhi hua hai

    phuTe hain kahin aah bhare dil ke phaphole

    pamal koi shahr-e-tamanna bhi hua hai

    mana ki kaDi dhup mein sae bhi mile hain

    is rah mein har moD par dhoka bhi hua hai

    raushan to hai yaKH-basta fazaon mein koi aag

    tariki-e-zindan mein ujala bhi hua hai

    har lamha koi hadisa roke hai mere panw

    har pal kisi KHwahish ka taqaza bhi hua hai

    kis moD pe aa pahuncha hai 'shahid' ye zamana

    raftar qayamat ki hai Thahra bhi hua hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY