kuchh is pe sochna tha mashwara bhi karna tha

Yasmeen Sahar

kuchh is pe sochna tha mashwara bhi karna tha

Yasmeen Sahar

MORE BYYasmeen Sahar

    kuchh is pe sochnā thā mashvara bhī karnā thā

    muāmle pe abhī tabsira bhī karnā thā

    use bhī kahnā thā apnā ḳhayāl rakhne ko

    bichhaḌte vaqt mujhe hausla bhī karnā thā

    kisī ke naam ke din bhī bachā ke rakhne the

    aur ek zindagī silsila bhī karnā thā

    vo vāqi.āt bhī dil se mujhe bhulāne the

    kahīñ kahīñ pe raqam sāneha bhī karnā thā

    kahāñ pe aa ke kaḌī silsile TuuT ga.ī

    kisī se maiñ ne kahīñ rābta bhī karnā thā

    usī maqām pe aks apne maiñ ne dafnā.e

    jahāñ pe nasb mujhe ā.īna bhī karnā thā

    abhī to baat maiñ kar rahī thī andāza

    pahuñch ke tah meñ mujhe faisla bhī karnā thā

    nikal ke zindagī jaisī kaḌī haqīqat se

    mujhe to talḳh ik tajraba bhī karnā thā

    sunī haiñ us abhī tak shikāyateñ maiñ ne

    bayān apnā koī mas.ala bhī karnā thā

    nikālnā thī mujhe zindagī bhī mushkil se

    mukammal ab ke koī dā.era bhī karnā thā

    kuchh is pe sochna tha mashwara bhi karna tha

    muamle pe abhi tabsira bhi karna tha

    use bhi kahna tha apna KHayal rakhne ko

    bichhaDte waqt mujhe hausla bhi karna tha

    kisi ke nam ke din bhi bacha ke rakhne the

    aur ek zindagi sa silsila bhi karna tha

    wo waqiat bhi dil se mujhe bhulane the

    kahin kahin pe raqam saneha bhi karna tha

    kahan pe aa ke kaDi silsile ki TuT gai

    kisi se main ne kahin rabta bhi karna tha

    usi maqam pe aks apne main ne dafnae

    jahan pe nasb mujhe aaina bhi karna tha

    abhi to baat ka main kar rahi thi andaza

    pahunch ke tah mein mujhe faisla bhi karna tha

    nikal ke zindagi jaisi kaDi haqiqat se

    mujhe to talKH sa ek tajraba bhi karna tha

    suni hain us ki abhi tak shikayaten main ne

    bayan apna koi masala bhi karna tha

    nikalna thi mujhe zindagi bhi mushkil se

    mukammal ab ke koi daera bhi karna tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY