kuchh log mohabbat mein wafa DhunD rahe hain
kuchh log mohabbat meñ vafā DhūñD rahe haiñ
ham ko to ye lagtā hai havā DhūñD rahe haiñ
jangal meñ hiran DhūñDhtā hai mushk ko jaise
ham log usī tarh ḳhudā DhūñD rahe haiñ
duniyā se hameñ maañg ke khānā nahīñ aatā
ḳhuddārī meñ kyoñ log anā DhūñD rahe haiñ
milte haiñ yahāñ sab hameñ maz.hab ke parastār
aur ham haiñ ki insāñ ka patā DhūñD rahe haiñ
vo jin ko bichhaḌnā hai bichhaḌ jā.eñge ik roz
pāgal haiñ jo ham apnī ḳhatā DhūñD rahe haiñ
kuchh log mohabbat mein wafa DhunD rahe hain
hum ko to ye lagta hai hawa DhunD rahe hain
jangal mein hiran DhunDhta hai mushk ko jaise
hum log usi tarh KHuda DhunD rahe hain
duniya se hamein mang ke khana nahin aata
KHuddari mein kyon log ana DhunD rahe hain
milte hain yahan sab hamein mazhab ke parastar
aur hum hain ki insan ka pata DhunD rahe hain
wo jin ko bichhaDna hai bichhaD jaenge ek roz
pagal hain jo hum apni KHata DhunD rahe hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
