kuchh na kuchh bhul to ho jati hai insan jo hain

kuchh na kuchh bhuul to ho jaatī hai insān jo haiñ

yaad vo bhī nahīñ aatā hai pareshān jo haiñ

sirf itnā ki baḌī chiiz hai milnā dil kā

ham koī baat samajhte nahīñ nādān jo haiñ

raunaq-e-shahr se māyūs na ho bānu-e-shahr

ḳhaak uḌāne ko tire be-sar-o-sāmān jo haiñ

ḳhair duniyā mirī vahshat ke liye tang sahī

aur ye 'arsa-e-bātin meñ bayābān jo haiñ

ai shab-e-dar-ba-darī aañkh meñ raushan kyā hai

kuchh sitāre ki sar-e-matla'-e-imkān jo haiñ

agle mausam meñ hamārī koī pahchān to ho

in ko mahfūz rakheñ tār-e-garebān jo haiñ

raat kī raat faqīroñ kī bhī dildārī kar

daa.im ābād zamīñ ham tire mehmān jo haiñ

kuchh na kuchh bhul to ho jati hai insan jo hain

yaad wo bhi nahin aata hai pareshan jo hain

sirf itna ki baDi chiz hai milna dil ka

hum koi baat samajhte nahin nadan jo hain

raunaq-e-shahr se mayus na ho banu-e-shahr

KHak uDane ko tere be-sar-o-saman jo hain

KHair duniya meri wahshat ke liye tang sahi

aur ye 'arsa-e-baatin mein bayaban jo hain

ai shab-e-dar-ba-dari aankh mein raushan kya hai

kuchh sitare ki sar-e-matla'-e-imkan jo hain

agle mausam mein hamari koi pahchan to ho

in ko mahfuz rakhen tar-e-gareban jo hain

raat ki raat faqiron ki bhi dildari kar

daim aabaad zamin hum tere mehman jo hain