kuchh nahin hai zindagi mein ab hai Khaali zindagi

kuchh nahīñ hai zindagī meñ ab hai ḳhālī zindagī

lag rahā hai ban ga.ī hai ik savālī zindagī

jis ko hai pās-e-vafā pās-e-hayā is daur meñ

zindagī hai asl meñ us kī misālī zindagī

shaah ke darbār meñ bhī sar na ḳham ham ne kiyā

ham jiye jab tak guzārī shaan vaalī zindagī

is samundar se koī motī nahīñ ham ko milā

yuuñ to ham ne 'umr bhar apnī khañgālī zindagī

so ga.e ham oḌh kar tanhā.ī meñ saarī thakan

maut ne apne gale jis dam lagā lī zindagī

zindagī se tum abhī vāqif nahīñ achchhī tarah

is liye lagtī hai tum ko bholī-bhālī zindagī

haiñ bahāreñ hī bahāreñ shahr meñ lekin 'qamar'

shahr se behtar hai phir bhī gaañv vaalī zindagī

kuchh nahin hai zindagi mein ab hai KHali zindagi

lag raha hai ban gai hai ek sawali zindagi

jis ko hai pas-e-wafa pas-e-haya is daur mein

zindagi hai asl mein us ki misali zindagi

shah ke darbar mein bhi sar na KHam hum ne kiya

hum jiye jab tak guzari shan wali zindagi

is samundar se koi moti nahin hum ko mila

yun to hum ne 'umr bhar apni khangali zindagi

so gae hum oDh kar tanhai mein sari thakan

maut ne apne gale jis dam laga li zindagi

zindagi se tum abhi waqif nahin achchhi tarah

is liye lagti hai tum ko bholi-bhaali zindagi

hain bahaaren hi bahaaren shahr mein lekin 'qamar'

shahr se behtar hai phir bhi ganw wali zindagi