kuchh nahin hone mein hone ki masarrat kaisi

kuchh nahīñ hone meñ hone kī masarrat kaisī

aur hone meñ na hone kī aziyyat kaisī

maiñ ne har sang ko pāsang kiyā hai din raat

saḳht-jānī hī batā.egī ki lazzat kaisī

apnī miTTī kī taraf lauT rahī hai har shai

jāda-e-nūr pe tāroñ kī masāfat kaisī

aao pāmāl zamīnoñ kī taraf kuuch kareñ

shahr-e-gul meñ ḳhas-o-ḳhāshāk kī qīmat kaisī

jo bhī aayā hai sar-e-ḳhāk vo hogā tah-e-ḳhāk

kaisā ye nām-o-nasab shaan ye shaukat kaisī

kuchh nahin hone mein hone ki masarrat kaisi

aur hone mein na hone ki aziyyat kaisi

main ne har sang ko pasang kiya hai din raat

saKHt-jaani hi bataegi ki lazzat kaisi

apni miTTi ki taraf lauT rahi hai har shai

jada-e-nur pe taron ki masafat kaisi

aao pamal zaminon ki taraf kuch karen

shahr-e-gul mein KHas-o-KHashak ki qimat kaisi

jo bhi aaya hai sar-e-KHak wo hoga tah-e-KHak

kaisa ye nam-o-nasab shan ye shaukat kaisi