kuchh roz ho gae hain kiye bewafai ko

kuchh roz ho ga.e haiñ kiye bevafā.ī ko

kuchh aur 'ishq karne haiñ hājat-ravā.ī ko

karte na qat' ham ye ta'alluq to aur kaun

aage khaḌā huā thā tirī rahnumā.ī ko

le kar maraz ye aap bhī masjid meñ jā.iye

ārām kuchh davā se nahīñ pārsā.ī ko

hogā na mujh se 'ishq dubāra kisī tarah

karte rahe jo yaad mirī kaj-adā.ī ko

jo tīsrā hai fard masā.il kā hai sabab

she'r-o-suḳhan se kaam nahīñ do-tihā.ī ko

hañste the jo suḳhan pe ye 'ālok' haiñ vahī

ab dekhte haiñ duur se terī rasā.ī ko

kuchh roz ho gae hain kiye bewafai ko

kuchh aur 'ishq karne hain hajat-rawai ko

karte na qat' hum ye ta'alluq to aur kaun

aage khaDa hua tha teri rahnumai ko

le kar maraz ye aap bhi masjid mein jaiye

aaram kuchh dawa se nahin parsai ko

hoga na mujh se 'ishq dubara kisi tarah

karte rahe jo yaad meri kaj-adai ko

jo tisra hai fard masail ka hai sabab

she'r-o-suKHan se kaam nahin do-tihai ko

hanste the jo suKHan pe ye 'alok' hain wahi

ab dekhte hain dur se teri rasai ko