کچھ روز ہو گئے ہیں کئے بے وفائی کو

کچھ روز ہو گئے ہیں کئے بے وفائی کو

کچھ اور عشق کرنے ہیں حاجت روائی کو

کرتے نہ قطع ہم یہ تعلق تو اور کون

آگے کھڑا ہوا تھا تری رہنمائی کو

لے کر مرض یہ آپ بھی مسجد میں جائیے

آرام کچھ دوا سے نہیں پارسائی کو

ہوگا نہ مجھ سے عشق دوبارہ کسی طرح

کرتے رہے جو یاد مری کج ادائی کو

جو تیسرا ہے فرد مسائل کا ہے سبب

شعر و سخن سے کام نہیں دو تہائی کو

ہنستے تھے جو سخن پہ یہ آلوکؔ ہیں وہی

اب دیکھتے ہیں دور سے تیری رسائی کو