kuchh tere KHat sanbhaal rakkhe hain

kuchh tire ḳhat sañbhāl rakkhe haiñ

kitne ġham haiñ jo paal rakkhe haiñ

yūñhī chehre pe jhurriyāñ to nahīñ

saath meñ māh-o-sāl rakkhe haiñ

ye mire she'r qīmtī haiñ bahut

in meñ tere ḳhayāl rakkhe haiñ

'ishq ke saath dard ke naate

jitne rakkhe kamāl rakkhe haiñ

hādse vaqt meñ haiñ jitne bhī

ham ne vo kal pe Taal rakkhe haiñ

kitnā mushkil thā zindagī kā safar

saañs ham ne bahāl rakkhe haiñ

in fazāoñ meñ ḳhauf hai 'amjad'

kis shikārī ne jaal rakkhe haiñ

kuchh tere KHat sanbhaal rakkhe hain

kitne gham hain jo pal rakkhe hain

yunhi chehre pe jhurriyan to nahin

sath mein mah-o-sal rakkhe hain

ye mere she'r qimti hain bahut

in mein tere KHayal rakkhe hain

'ishq ke sath dard ke nate

jitne rakkhe kamal rakkhe hain

hadse waqt mein hain jitne bhi

hum ne wo kal pe Tal rakkhe hain

kitna mushkil tha zindagi ka safar

sans hum ne bahaal rakkhe hain

in fazaon mein KHauf hai 'amjad'

kis shikari ne jal rakkhe hain