kuchh to hamara aks bhi mubham hai dosto
kuchh to hamārā 'aks bhī mub.ham hai dosto
kuchh ham pe raushnī bhī zarā kam hai dosto
lagtā hai koī shām-e-ġharībāñ thī kun-fakāñ
ye saarī kā.enāt shab-e-ġham hai dosto
maazī na haal kuchh bhī nahīñ hai abad talak
ye vaqt ek lamha-e-paiham hai dosto
is zaḳhm-e-dil ko roz nayā zaḳhm dījiye
ye zaḳhm jis ko zaḳhm hī marham hai dosto
saare jahāñ meñ koī nazāra nahīñ jise
ye kah sakeñ ki aañkh kā mahram hai dosto
jis se guzar ke kuchh nahīñ khultā kahāñ haiñ ham
us rāste meñ ek 'ajab ḳham hai dosto
dil meñ kabhī jo shahr basāyā thā 'ishq ne
vo shahr aaj darham-o-barham hai dosto
kuchh to hamara 'aks bhi mubham hai dosto
kuchh hum pe raushni bhi zara kam hai dosto
lagta hai koi sham-e-ghariban thi kun-fakan
ye sari kaenat shab-e-gham hai dosto
mazi na haal kuchh bhi nahin hai abad talak
ye waqt ek lamha-e-paiham hai dosto
is zaKHm-e-dil ko roz naya zaKHm dijiye
ye zaKHm jis ko zaKHm hi marham hai dosto
sare jahan mein koi nazara nahin jise
ye kah saken ki aankh ka mahram hai dosto
jis se guzar ke kuchh nahin khulta kahan hain hum
us raste mein ek 'ajab KHam hai dosto
dil mein kabhi jo shahr basaya tha 'ishq ne
wo shahr aaj darham-o-barham hai dosto
- Book : Subh Bakhair Zindagi (Pg. 27)
- Author : Ameer Imam
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.