kuchh yun bhi mera ghar se nikalna nahin hota
kuchh yuuñ bhī mirā ghar se nikalnā nahīñ hotā
jaane se mire koī akelā nahīñ hotā
insān kī itnī to samajh ho hī ga.ī hai
dobāra kisī se mirā jhagḌā nahīñ hotā
ik raat kī taklīf ne samjhā diyā mujh ko
ḳhidmat se baḌā koī dikhāvā nahīñ hotā
ḳhush hai vo tavajjoh se use ye nahīñ mā'lūm
sunte haiñ vahī ham jo samajhnā nahīñ hotā
jo pūchh rahe haiñ maiñ unheñ kaise batā.ūñ
tayyār kā matlab kahīñ jaanā nahīñ hotā
kuchh yun bhi mera ghar se nikalna nahin hota
jaane se mere koi akela nahin hota
insan ki itni to samajh ho hi gai hai
dobara kisi se mera jhagDa nahin hota
ek raat ki taklif ne samjha diya mujh ko
KHidmat se baDa koi dikhawa nahin hota
KHush hai wo tawajjoh se use ye nahin ma'lum
sunte hain wahi hum jo samajhna nahin hota
jo puchh rahe hain main unhen kaise bataun
tayyar ka matlab kahin jaana nahin hota
- Book : Dukh Naye Kapde Badal Kar (Pg. 93)
- Author : Shariq Kaifi
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
