ku-e-jaanan mein ada dekhiye diwanon ki

kū-e-jānāñ meñ adā dekhiye dīvānoñ kī

dhajjiyāñ bāñTte phirte haiñ garebānoñ kī

ḳhaak uḌtī hai fazā meñ yūñhī parvānoñ kī

kaun letā hai ḳhabar soḳhta-sāmānoñ kī

husn kyā shai hai faqat zauq-e-nazar kī taskīn

ishq kyā chiiz hai taḳhlīq hai armānoñ kī

aap ruḳh sail-e-havādis kā badal detā hai

āsmāñ dekh ke gardish mire paimānoñ kī

aks gulshan pe bahāroñ kā paḌā thā lekin

khiñch ga.ī phuul pe tasvīr bayābānoñ kī

aaj sāhil pe pahuñch kar hī rahegī kashtī

aaj Takkar hai mire azm se tūfānoñ kī

hashr ke din vo ḳhatā-varoñ pe rahmat hogī

aañkh khul jā.egī jannat ke nigahbānoñ kī

ibn-e-ādam ne 'falak' hosh sambhālā jis dam

sab se pahle rakhī buniyād sanam-ḳhānoñ kī

ku-e-jaanan mein ada dekhiye diwanon ki

dhajjiyan banTte phirte hain garebanon ki

KHak uDti hai faza mein yunhi parwanon ki

kaun leta hai KHabar soKHta-samanon ki

husn kya shai hai faqat zauq-e-nazar ki taskin

ishq kya chiz hai taKHliq hai armanon ki

aap ruKH sail-e-hawadis ka badal deta hai

aasman dekh ke gardish mere paimanon ki

aks gulshan pe bahaaron ka paDa tha lekin

khinch gai phul pe taswir bayabanon ki

aaj sahil pe pahunch kar hi rahegi kashti

aaj Takkar hai mere azm se tufanon ki

hashr ke din wo KHata-waron pe rahmat hogi

aankh khul jaegi jannat ke nigahbanon ki

ibn-e-adam ne 'falak' hosh sambhaala jis dam

sab se pahle rakhi buniyaad sanam-KHanon ki