کیا عجب چال چل رہا ہے دن
کیا عجب چال چل رہا ہے دن
حادثوں سے سنبھل رہا ہے دن
وقت سے پہلے جا رہا ہے کوئی
وقت سے پہلے ڈھل رہا ہے دن
ایک آہٹ پہ اڑ گئی ہے رات
اور اب ہاتھ مل رہا ہے دن
رات بیٹھی ہوئی ہے کونے میں
اور چھت پر ٹہل رہا ہے دن
صبح ہونے سے رات ڈھلنے تک
کتنے چہرے بدل رہا ہے دن
آج ہونا ہے امتحاں میرا
آج جلدی نکل رہا ہے دن
تیرگی ہے ہماری ذات کا جشن
اور اس میں خلل رہا ہے دن
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
