kya ashk ki zaban mein gham bolte nahin

kyā ashk kī zabān meñ ġham bolte nahīñ

is baat par na jaao ki ham bolte nahīñ

tum to savāl-e-shauq pe tasvīr ban ga.e

duniyā ne sach kahā hai sanam bolte nahīñ

dil toḌnā gunāh hai chāhe vo kufr ho

is mas.ale pe ahl-e-haram bolte nahīñ

āvāz de rahī haiñ hameñ taaza uljhaneñ

har chand un kī zulf ke ḳham bolte nahīñ

vo ho ga.e haiñ mohr-ba-lab bā'd-e-iltifāt

ehsān kar ke ahl-e-karam bolte nahīñ

nazreñ to chheḌtī haiñ fasāne na.e na.e

tum bolte nahīñ kabhī ham bolte nahīñ

maġhrūr ho agar koī is shaan kā to ho

sajdoñ se un ke naqsh-e-qadam bolte nahīñ

kya ashk ki zaban mein gham bolte nahin

is baat par na jao ki hum bolte nahin

tum to sawal-e-shauq pe taswir ban gae

duniya ne sach kaha hai sanam bolte nahin

dil toDna gunah hai chahe wo kufr ho

is masale pe ahl-e-haram bolte nahin

aawaz de rahi hain hamein taza uljhanen

har chand un ki zulf ke KHam bolte nahin

wo ho gae hain mohr-ba-lab ba'd-e-iltifat

ehsan kar ke ahl-e-karam bolte nahin

nazren to chheDti hain fasane nae nae

tum bolte nahin kabhi hum bolte nahin

maghrur ho agar koi is shan ka to ho

sajdon se un ke naqsh-e-qadam bolte nahin