کیا بتائیں کدھر گئے ہیں ہم
ان کے دل سے اتر گئے ہیں ہم
چھوڑ کر وہ جہاں گئے ہم کو
اس جگہ پر ٹھہر گئے ہیں ہم
ہجر کاٹا ہے اس قدر ہم نے
اب محبت سے ڈر گئے ہیں ہم
غلطیاں آپ کی بھی کچھ ہوں گی
گھر اگر چھوڑ کر گئے ہیں ہم
چوٹ کھائی تھی ایک بار مگر
عمر بھر کو بکھر گئے ہیں ہم
نورؔ اب چھوڑ دی محبت بھی
ان سے کہہ دو سدھر گئے ہیں ہم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
