کیا غضب ہے کہ چار آنکھوں میں
کیا غضب ہے کہ چار آنکھوں میں
دل چراتا ہے یار آنکھوں میں
چشم کیفی کے سرخ ڈوروں سے
چھا رہی ہے بہار آنکھوں میں
گر پڑا طفل اشک یہ مچلا
میں نے روکا ہزار آنکھوں میں
نہیں اٹھتی پلک نزاکت سے
سرمہ ہوتا ہے بار آنکھوں میں
اتنی چھانی ہے خاک تیرے لیے
چھا رہا ہے غبار آنکھوں میں
جب سے اپنا لقب ہوا ہے سرورؔ
روز و شب ہے خمار آنکھوں میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
