kya hina KHun-rez nikli hae pis jaane ke baad

Jaleel Manikpuri

kya hina KHun-rez nikli hae pis jaane ke baad

Jaleel Manikpuri

MORE BYJaleel Manikpuri

    kyā hinā ḳhūñ-rez niklī haa.e pis jaane ke ba.ad

    ban ga.ī talvār un ke haath meñ aane ke ba.ad

    jām-e-jam dhuum hai saare jahāñ meñ sāqiyā

    māntā huuñ maiñ bhī lekin tere paimāne ke ba.ad

    shukriya vaa.iz jo mujh ko tark-e-mai salāh

    ġhaur maiñ is par karūñgā hosh meñ aane ke ba.ad

    sham.a māshūqoñ ko sikhlātī hai tarz-e-āshiqī

    jal ke parvāne se pahle bujh ke parvāne ke ba.ad

    āshnā ho kar butoñ ke ho ga.e haq-āshnā

    ham ne ka.abe binā Daalī hai but-ḳhāne ke ba.ad

    maiñ karūñ kis nazāra dekh kar terā jamāl

    maiñ sunūñ kis fasāna tere afsāne ke ba.ad

    sham-e-mahfil huā ye rañg un ke sāmne

    phuul hotī hai sūrat jaise murjhāne ke ba.ad

    sach ye kahte haiñ ki hañsne jagah duniyā nahīñ

    chashm-e-ibrat haiñ chaman ke phuul murjhāne ke ba.ad

    fikr o kāvish ho to nikleñ ma.anī-e-rañgīñ 'jalīl'

    la.al ugaltī hai zabāñ ḳhūn-e-jigar khāne ke ba.ad

    kya hina KHun-rez nikli hae pis jaane ke baad

    ban gai talwar un ke hath mein aane ke baad

    jam-e-jam ki dhum hai sare jahan mein saqiya

    manta hun main bhi lekin tere paimane ke baad

    shukriya waiz jo mujh ko tark-e-mai ki di salah

    ghaur main is par karunga hosh mein aane ke baad

    shama mashuqon ko sikhlati hai tarz-e-ashiqi

    jal ke parwane se pahle bujh ke parwane ke baad

    aashna ho kar buton ke ho gae haq-ashna

    hum ne kabe ki bina Dali hai but-KHane ke baad

    main karun kis ka nazara dekh kar tera jamal

    main sunun kis ka fasana tere afsane ke baad

    sham-e-mahfil ka hua ye rang un ke samne

    phul ki hoti hai surat jaise murjhane ke baad

    sach ye kahte hain ki hansne ki jagah duniya nahin

    chashm-e-ibrat hain chaman ke phul murjhane ke baad

    fikr o kawish ho to niklen mani-e-rangin 'jalil'

    lal ugalti hai zaban KHun-e-jigar khane ke baad

    Source :
    • Book : Kainat-e-Jalil Manakpuri (Pg. 252)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY