kya kahiye din shabab ke kaise guzar gae

kyā kahiye din shabāb ke kaise guzar ga.e

jhoñke havāoñ ke idhar aa.e udhar ga.e

merī nazar meñ hāsil-e-hastī vahī rahe

vo lamhe jo hayāt ko badnām kar ga.e

kyoñ yaad aa rahe haiñ vo be-sāḳhta mujhe

bhūle hue bhī jin ko zamāne guzar ga.e

phir un ko mai-kade se uThāne kā zikr hai

saaqī vo tishna-lab jo tirā naam kar ga.e

is daur-e-nā-shanās meñ ahl-e-vafā kahāñ

sīnoñ meñ ahl-e-dil ke to ḳhanjar utar ga.e

ham vo charāġh haiñ ki jo haiñ āñdhiy.oñ ke saath

ham vo nahīñ jo tez havāoñ se Dar ga.e

jab tak rahe qafas meñ rahe bāl-o-par 'aqīl'

āzād jab hue to sabhī bāl-o-par ga.e

kya kahiye din shabab ke kaise guzar gae

jhonke hawaon ke idhar aae udhar gae

meri nazar mein hasil-e-hasti wahi rahe

wo lamhe jo hayat ko badnam kar gae

kyon yaad aa rahe hain wo be-saKHta mujhe

bhule hue bhi jin ko zamane guzar gae

phir un ko mai-kade se uThane ka zikr hai

saqi wo tishna-lab jo tera nam kar gae

is daur-e-na-shanas mein ahl-e-wafa kahan

sinon mein ahl-e-dil ke to KHanjar utar gae

hum wo charagh hain ki jo hain aandhiyon ke sath

hum wo nahin jo tez hawaon se Dar gae

jab tak rahe qafas mein rahe baal-o-par 'aqil'

aazad jab hue to sabhi baal-o-par gae