kya kahun dil mail-e-zulf-e-dota kyunkar hua

Bahadur Shah Zafar

kya kahun dil mail-e-zulf-e-dota kyunkar hua

Bahadur Shah Zafar

MORE BY Bahadur Shah Zafar

    kyā kahūñ dil mā.il-e-zulf-e-dotā kyūñkar huā

    ye bhalā chañgā giraftār-e-balā kyūñkar huā

    jin ko mehrāb-e-ibādat ho ḳham-e-abrū-e-yār

    un kaabe meñ kaho sajda adā kyūñkar huā

    dīda-e-hairāñ hamārā thā tumhāre zer-e-pā

    ham ko hairat hai ki paidā naqsh-e-pā kyūñkar huā

    nāma-bar ḳhat de ke us nau-ḳhat ko ne kyā kahā

    kyā ḳhatā tujh se huī aur vo ḳhafā kyūñkar huā

    ḳhāksārī kyā ajab khove agar dil ġhubār

    ḳhaak se dekho ki ā.īna safā kyūñkar huā

    jin ko yaktā.ī da.avā thā vo misl-e-ā.īna

    un ko hairat hai ki paidā dūsrā kyūñkar huā

    tere dāñtoñ ke tasavvur se na thā gar āb-dār

    jo bahā aañsū vo durr-e-be-bahā kyūñkar huā

    jo na honā thā huā ham par tumhāre ishq meñ

    tum ne itnā bhī na pūchhā kyā huā kyūñkar huā

    vo to hai nā-āshnā mash.hūr aalam meñ 'zafar'

    par ḳhudā jaane vo tujh se āshnā kyūñkar huā

    kya kahun dil mail-e-zulf-e-dota kyunkar hua

    ye bhala changa giraftar-e-bala kyunkar hua

    jin ko mehrab-e-ibaadat ho KHam-e-abru-e-yar

    un ka kabe mein kaho sajda ada kyunkar hua

    dida-e-hairan hamara tha tumhaare zer-e-pa

    hum ko hairat hai ki paida naqsh-e-pa kyunkar hua

    nama-bar KHat de ke us nau-KHat ko tu ne kya kaha

    kya KHata tujh se hui aur wo KHafa kyunkar hua

    KHaksari kya ajab khowe agar dil ka ghubar

    KHak se dekho ki aaina safa kyunkar hua

    jin ko yaktai ka dawa tha wo misl-e-aina

    un ko hairat hai ki paida dusra kyunkar hua

    tere danton ke tasawwur se na tha gar aab-dar

    jo baha aansu wo durr-e-be-baha kyunkar hua

    jo na hona tha hua hum par tumhaare ishq mein

    tum ne itna bhi na puchha kya hua kyunkar hua

    wo to hai na-ashna mashhur aalam mein 'zafar'

    par KHuda jaane wo tujh se aashna kyunkar hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites