kya KHabar kah diya kya aapne diwane se

Mirza Qadir Bakhsh Sabir Dehlavi

kya KHabar kah diya kya aapne diwane se

Mirza Qadir Bakhsh Sabir Dehlavi

MORE BYMirza Qadir Bakhsh Sabir Dehlavi

    kyā ḳhabar kah diyā kyā aap ne dīvāne se

    ab dil-e-vahshī bahaltā nahīñ bahlāne se

    jis ko kuchh rabt hai saaqī tire maiḳhāne se

    us ko matlab hai na shīshe se na paimāne se

    ham ko thā chain mayassar usī dīvāne se

    miT ga.e ham bhī dil-e-zār ke miT jaane se

    zindagī miltī hai jis shaḳhs ko mar jaane se

    vo samajh saktā hai nāseh tire samjhāne se

    kis qadar ranj-o-musībat muraqqā huuñ maiñ

    kaañp uThtā hai mirā dil tirī yaad aane se

    ye nasīhat to bajā nāseh-e-mushfiq lekin

    koī dīvāna samajhtā bhī hai samjhāne se

    sāmne aao haTā do ruḳh-e-zebā se naqāb

    koī parda bhī kiyā kartā hai dīvāne se

    ham ne ye kah ke dil-e-zār ko samjhāyā hai

    kaam bante haiñ kahīñ ishq meñ ghabrāne se

    merī jam.īyat-e-ḳhātir ko pareshāñ na karo

    zulf-e-barham ko haTāo na abhī shāne se

    aap ke zulm ko bhī maiñ ne karam samjhā hai

    sharm aatī hai mujhe aap ke sharmāne se

    kyā ḳhabar ishq meñ anjām mirā kyā hogā

    ab yagāne bhī nazar aate haiñ begāne se

    dil dukhāne to anjām burā hotā hai

    ḳhud taḌap jā.egā zālim mire taḌpāne se

    allah allāh ye bīmār-e-mohabbat ilaaj

    rang badlā tire dāman havā khāne se

    jaate jaate mirī kaifiyyat-e-dil dekhtā

    mujh pe kyā guzregī ai dost tire jaane se

    kyā kareñ ke ye jiinā bhī koī jiinā hai

    jab hayāt-e-abadī miltī hai mar jaane se

    kya KHabar kah diya kya aap ne diwane se

    ab dil-e-wahshi bahalta nahin bahlane se

    jis ko kuchh rabt hai saqi tere maiKHane se

    us ko matlab hai na shishe se na paimane se

    hum ko tha chain mayassar usi diwane se

    miT gae hum bhi dil-e-zar ke miT jaane se

    zindagi milti hai jis shaKHs ko mar jaane se

    wo samajh sakta hai naseh tere samjhane se

    kis qadar ranj-o-musibat ka muraqqa hun main

    kanp uThta hai mera dil teri yaad aane se

    ye nasihat to baja naseh-e-mushfiq lekin

    koi diwana samajhta bhi hai samjhane se

    samne aao haTa do ruKH-e-zeba se naqab

    koi parda bhi kiya karta hai diwane se

    hum ne ye kah ke dil-e-zar ko samjhaya hai

    kaam bante hain kahin ishq mein ghabrane se

    meri jamiyat-e-KHatir ko pareshan na karo

    zulf-e-barham ko haTao na abhi shane se

    aap ke zulm ko bhi main ne karam samjha hai

    sharm aati hai mujhe aap ke sharmane se

    kya KHabar ishq mein anjam mera kya hoga

    ab yagane bhi nazar aate hain begane se

    dil dukhane ka to anjam bura hota hai

    KHud taDap jaega zalim mere taDpane se

    allah allah ye bimar-e-mohabbat ka ilaj

    rang badla tere daman ki hawa khane se

    jate jate meri kaifiyyat-e-dil dekhta ja

    mujh pe kya guzregi ai dost tere jaane se

    kya karen ji ke ye jina bhi koi jina hai

    jab hayat-e-abadi milti hai mar jaane se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now