kya KHabar tujhko o daman ko chhuDane wale

Aalam Nizami

kya KHabar tujhko o daman ko chhuDane wale

Aalam Nizami

MORE BYAalam Nizami

    kyā ḳhabar tujh ko o dāman ko chhuḌāne vaale

    aur bhī haiñ mujhe siine se lagāne vaale

    nāpte kaise mire zarf gahrā.ī ko

    Dubkiyāñ ḳhitta-e-sāhil meñ lagāne vaale

    ai havāo na kahīñ haath jalā lo tum bhī

    bujh ga.e mere charāġhoñ ko bujhāne vaale

    jism mar saktā hai āvāz nahīñ martī hai

    yaad rakkheñ mirī āvāz dabāne vaale

    ḳhud ko kaise kisī manzil ke havāle kartā

    muntazir the mirī aamad ke zamāne vaale

    baap qabr pe miTTī bhī nahīñ Dālte haiñ

    phuul netāoñ qabroñ pe chaḌhāne vaale

    kya KHabar tujh ko o daman ko chhuDane wale

    aur bhi hain mujhe sine se lagane wale

    napte kaise mere zarf ki gahrai ko

    Dubkiyan KHitta-e-sahil mein lagane wale

    ai hawao na kahin hath jala lo tum bhi

    bujh gae mere charaghon ko bujhane wale

    jism mar sakta hai aawaz nahin marti hai

    yaad rakkhen meri aawaz dabane wale

    KHud ko kaise kisi manzil ke hawale karta

    muntazir the meri aamad ke zamane wale

    bap ki qabr pe miTTi bhi nahin Dalte hain

    phul netaon ki qabron pe chaDhane wale

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY