kya kya chehre chiKH rahe hain yaadon ke ambar tale

kyā kyā chehre chīḳh rahe haiñ yādoñ ke ambār tale

dil par aisā bojh dharā hai jo haTne kā naam na le

apnī TuuTī chhat par shāyad ik din sūraj chamkā thā

muTThī meñ kuchh dhuup churā.e baiThā huuñ dīvār tale

patjhaḌ ke āvāra jhoñke un par Derā Daale haiñ

jin shāḳhoñ par bichhḌe panchhī aa milte the shaam Dhale

qismat ham ko pheñk ga.ī hai tez havā kī rāhoñ meñ

dil bhī kyā hai ek diyā hai dekheñ kitnī der jale

muñh dekhī bātoñ meñ yaaro kyā rakkhā hai rahne do

haal hamārā tum mat pūchho jaao ham bīmār bhale

duniyā kā dastūr yahī hai nā-qadrī kī baat nahīñ

jo bhī lamhoñ ko Thukrā.e sadiyoñ apne haath male

apnī apnī sab kī rāheñ apnā apnā sab kā safar

tum bhī kisī ke saath chale ho ham bhī kisī ke saath chale

jaane rasta band hai 'qaisar' yā koī pachhtāvā hai

is nagrī se jo bhī jaa.e phir aane kā naam na le

kya kya chehre chiKH rahe hain yaadon ke ambar tale

dil par aisa bojh dhara hai jo haTne ka nam na le

apni TuTi chhat par shayad ek din suraj chamka tha

muTThi mein kuchh dhup churae baiTha hun diwar tale

patjhaD ke aawara jhonke un par Dera Dale hain

jin shaKHon par bichhDe panchhi aa milte the sham Dhale

qismat hum ko phenk gai hai tez hawa ki rahon mein

dil bhi kya hai ek diya hai dekhen kitni der jale

munh dekhi baaton mein yaro kya rakkha hai rahne do

haal hamara tum mat puchho jao hum bimar bhale

duniya ka dastur yahi hai na-qadri ki baat nahin

jo bhi lamhon ko Thukrae sadiyon apne hath male

apni apni sab ki rahen apna apna sab ka safar

tum bhi kisi ke sath chale ho hum bhi kisi ke sath chale

jaane rasta band hai 'qaisar' ya koi pachhtawa hai

is nagri se jo bhi jae phir aane ka nam na le