kyā kyā navāh-e-chashm kī ra.anā.iyāñ ga.iiñ
mausam gayā gulāb ga.e titliyāñ ga.iiñ
jhūTī siyāhiyoñ se haiñ shajre likhe hue
ab ke hasab-nasab kī bhī sachchā.iyāñ ga.iiñ
kis zehn se ye saare mahāzoñ pe jañg thī
kyā fat.h ho gayā ki saf-ārā.iyāñ ga.iiñ
karne ko raushnī ke ta.āqub kā tajraba
kuchh duur mere saath bhī parchhā.iyāñ ga.iiñ
aage to be-charāġh gharoñ kā hai silsila
mere yahāñ se jaane kahāñ āñdhiyāñ ga.iiñ
'az.har' mirī ġhazal ke sabab ab ke shahr meñ
kitnī na.ī purānī shanāsā.iyāñ ga.iiñ
kya kya nawah-e-chashm ki ranaiyan gain
mausam gaya gulab gae titliyan gain
jhuTi siyahiyon se hain shajre likhe hue
ab ke hasab-nasab ki bhi sachchaiyan gain
kis zehn se ye sare mahazon pe jang thi
kya fath ho gaya ki saf-araiyan gain
karne ko raushni ke taaqub ka tajraba
kuchh dur mere sath bhi parchhaiyan gain
aage to be-charagh gharon ka hai silsila
mere yahan se jaane kahan aandhiyan gain
'azhar' meri ghazal ke sabab ab ke shahr mein
kitni nai purani shanasaiyan gain
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.