kya qayamat hai ki ek shaKHs ka ho bhi na sakun
kyā qayāmat hai ki ik shaḳhs kā ho bhī na sakūñ
zindagī kaun sī daulat hai ki kho bhī na sakūñ
ghar se niklūñ to bhare shahr ke hañgāme haiñ
maiñ vo majbūr tirī yaad meñ ro bhī na sakūñ
din ke pahlū se lagā rahtā hai andesha-e-shām
sub.h ke ḳhauf se niiñd aa.e to so bhī na sakūñ
ḳhatm hotā hī nahīñ silsila-e-mauj-e-sarāb
paar utar bhī na sakūñ naav Dubo bhī na sakūñ
'shāz' ma.alūm huā ijz-bayānī kyā hai
dil meñ vo aag hai lafzoñ meñ samo bhī na sakūñ
kya qayamat hai ki ek shaKHs ka ho bhi na sakun
zindagi kaun si daulat hai ki kho bhi na sakun
ghar se niklun to bhare shahr ke hangame hain
main wo majbur teri yaad mein ro bhi na sakun
din ke pahlu se laga rahta hai andesha-e-sham
subh ke KHauf se nind aae to so bhi na sakun
KHatm hota hi nahin silsila-e-mauj-e-sarab
par utar bhi na sakun naw Dubo bhi na sakun
'shaz' malum hua ijz-bayani kya hai
dil mein wo aag hai lafzon mein samo bhi na sakun
Source:
Kulliyat-e- Shaz Tamkanat (Pg. 305)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
